IES San Mamede
PUE Academy IT Skills Center
Acceso
Centro Oficial Bronze Partner

Formación Oficial TIC
para a túa aula

O IES San Mamede pon a disposición do profesorado e alumnado a plataforma IT Skills. Accede a cursos oficiais de Microsoft, Cisco Networking Academy, Linux Professional Institute, Python Institute, English for it, JS Institute (open education & development group), Unity, Meta e máis para potenciar a empregabilidade dos estudantes.

Como funciona? Ver catálogo
Metodoloxía PUE

Como funciona IT Skills?

Un sistema que permite aprender, practicar e certificar oficialmente.

1. LEARN (Aprender)

Acceso á plataforma online con contidos oficiais. Vídeos, lecturas e laboratorios para que o alumno estude ao seu ritmo dende clase ou casa.

2. PRACTICE (Practicar)

Ferramentas de adestramento tipo test para preparar o exame oficial. O alumnado perde o medo e valida os coñecementos antes da proba final.

3. CERTIFY (Certificar)

Como centro PEU Bronze, ofrecemos a cada alumno/a unha certificación oficial gratuíta, así como importantes descontos no caso de que desexe obter máis dunha certificación.

Beneficios Nivel Bronze

Para o Profesorado

  • Acceso gratuíto aos materiais oficiais para revisión de contidos.
  • 5 prazas exclusivas ao ano para cursos titorizados de Microsoft Office.
  • 30% de desconto en formación persoal no catálogo de PUE.
  • Ferramentas para o seguimento do progreso do alumnado.

Para o Alumnado

  • 1 licenza gratuíta para certificación oficial por alumno/a.
  • Preparación con simuladores de exame real.
  • Certificación oficial con recoñecemento internacional.
  • Descontos importantes nas taxas de exame oficial.

Como solicitar licenzas para o teu grupo?

Actualmente dispoñemos de 100 licenzas para todo o IES San Mamede (Nivel Bronze). Se estás interesado/a en usar estes recursos nunha materia, contacta coa coordinación TIC.

Enviar solicitude por correo

Indica: Materia, Nº de alumnos e tecnoloxía desexada (ex: Python).

drodicio@iessanmamede.com

* As licenzas asígnanse por orde de solicitude e prioridade pedagóxica.

Preguntas Frecuentes

Ten algún custo para o alumnado?
Non. O acceso aos cursos de autoestudo e aos tests de práctica na plataforma IT Skills é gratuíto grazas á subscrición do centro. O exame oficial de certificación final pode ter custo, aínda que cada alumno/a dispón dunha certificación gratuíta e de descontos especiais para a realización de certificacións adicionais.
Cantas licenzas temos dispoñibles?
Como centro PUE Academy Bronze, dispoñemos de 100 accesos á plataforma IT Skills para todo o centro. Prégase solicitar só as necesarias para alumnos comprometidos.
O profesorado tamén pode formarse?
Si. O profesorado ten acceso aos materiais e, ademais, temos 5 prazas exclusivas anuais para cursos titorizados de Microsoft Office e descontos do 30% no catálogo xeral de cursos de PUE.
Como son os cursos?
Son 100% online e autoformativos. O alumno avanza ao seu ritmo vendo vídeos, lendo temario e realizando prácticas na plataforma.